Interneteko web gune eta atariak modu errazean sortu eta mantentzea ahalbidetzen duen doako (kode irekiko) aplikazioa (Edukiak Kudeatzeko Sistema edo Contetnt Ma nagement System ) Interneten argitaratu eta euskal erabiltzaileen eskura jartzea da Asmoz Fundazioak aurkezten duen egitasmoaren xedea. Izan ere, Mambo oso erraza da erabiltzen: ez da ezagutza handirik behar bere eskutik web guneetan edukiak argitaratu, eguneratu, mantendu eta pertsonalizatzeko. Mambo, gainera, Moodle bezalako LMSekin (Heziketa Kudeatzeko Sistemekin) osagarria da: horrelako aplikazioek duten azaleko irudia kudeatzeko ahulezia murrizten du.

Mamboren ezaugarri nagusiak hauek ditugu:

-    PHP/MySQL estandarrek mugitutako datu basea.
-    Maila anitzeko segurtasun modulua erabiltzaile/administratzaileentzat.
-    Guztiz editagarri eta konfiguragarriak diren albiste, produktu eta atalak.
-    Erregistratuta dauden erabiltzaileek bidalitako gaien sailkapena.
-    Guztiz konfiguragarriak diren txantiloi eta templates-ak, menu nagusia eta ezker-eskuin blokeak barne.
-    Irudiak igotzeko euskarria, hala liburutegian sartzeko, nola web guneko edozein lekutan erabiltzeko.
-    Foro dinamikoak eta inkestak, emaitzak ikusgai direla.

Linux, FreeBSD, MacOSX server, Solaris, AIX, SCO, WinNT, Win2K jasaten ditu.

 Mambo orain Joomla da !!